Video

Cartlann Físeán Chomhaltas

Foirm ealaíne chorraitheach is ea ceol traidisiúnta na hÉireann. Is deacair uaireanta tuiscint a fháil ar fhuinneamh an cheoil damhsa agus ar thruamhéala agus ar ghreann na n-amhrán traidisiúnta ach nuair a bhíonn seans agat a bheith i láthair. Ach munar féidir sin, tabharfaidh cláir físeáin ComhaltasLive an chorraíl chugat!

Chuireamar tús le tionscadal cúpla bliain ó shin chun cuid de na léirithe ab fhearr ar an gceol traidisiúnta a thaifeadadh. Chuir ComhaltasLive roimhe cuid de ‘mhórsheinnteoirí’ cheol traidisiúnta na linne seo agus cuid de na daoine ardtallainne a bhí ag teacht chun cinn a ghabháil, agus an ceol a shuíomh sa stair trí chlosáin agus físeáin ón am atá caite a thabhairt isteach. Rinneadh comhar leis an Irish International Webcasting Company chuige seo.

Tá tóir mhór ar na cláir seachtainiúla ComhaltasLive a thugann deis do na mílte cuid den cheol iontach seo a fheiceáil ar an gcéad lámh, nach mór. Tá clár na seachtaine seo ar fáil duit nó tig leat súil a chaitheamh ar ghiotaí ó chláir go dtí seo.

Seó a mholadh

Má bhíonn ócáid nó deis á beartú a gceapann tú a bheadh inspéise dár léitheoirí, cuir nóta chugainn agus féachfaimid an féidir linn é a ghabháil. Agus munar féidir linn a bheith i láthair, b’fhéidir gur mhaith leat tuairisc a scríobh ar an ócáid d’iris Chomhaltas, Treoir. Ná dearmad grianghraif a chur leis agus giota físeáin nó dhó ar DVD más féidir, ionas gur féidir linn iad a uaslódáil go dtí an láithreán.

RSS Feed (What is this?)